site logo

நடிகர் திலகம் சிவாஜி கணேசன் அவர்களுக்குப் பிறகு செவாலியே விருதினைப் பெறும் திரு கமல்ஹாசன் அவர்களுக்கு நமது இணைய தளம் சார்பில் உளமார்ந்த நல்வாழ்த்துக்களையும் பாராட்டுக்களையும் தெரிவித்துக் கொள்கிறோம்.

 
 
நடிகர் திலகம் நினைவு நாள் நிகழ்ச்சிகளைப் பற்றிய விரிவான தகவல்கள், மற்றும் நிழற்படங்களுக்கு நமது சகோதர இணையதளமான

www.sivajiganesan.in

இணையதளத்தினை விஜயம் செய்க.
நன்றி. www.sivajiganesan.in
 
சுதந்திரதினத்தை முன்னிட்டு மதுரை சென்ட்ரல் திரையரங்கில் 12.08.16 முதல் மக்கள்தலைவர் சிவாஜி அவர்களின் 125வது வெற்றிக்காவியமான உயர்ந்தமனிதன் திரைப்படம் வெளியானது. நல்ல படங்களுக்கு என்றும் மக்களிடத்தில் வரவேற்பு இருக்கும் என்று நிரூபிக்கும் வகையில் படம் வெளியான வெள்ளிக்கிழமையன்றே நல்ல வசூல் மற்றும் வரவேற்பு. சனிக்கிழமை யாரும் எதிர்பார்க்காத வகையில் படத்தின் வசூல் இதற்கு முன் திரையிட்ட படங்களின் வசூலை முந்தியது விநியோகஸ்தர்கள் மத்தியில் வியப்பை ஏற்படுத்தியது.
ஞாயிறு மாலைக் காட்சி ரசிகர்கள் கூடும் காட்சி, என்றுமே ஞாயிறு மாலைக் காட்சி வசூல் என்பது நமது மக்கள்தலைவரின் படங்களுக்கு மட்டும் தான் அதிகரிக்கும். ஞாயிறு மாலை 5.30 மணிக்கெல்லாம் அதாவது மதியக் காட்சி முடியும்  முன்னரே ரசிகர்கள் குவியத் தொடங்கினர். ரசிகர்களின் ஆரவாரத்தில் ஹைகிளாஸ் டிக்கெட்  ஹவுஸ்புல் ஆனது. மேனேஜர் வெளியே சென்றிருந்த காரணத்தினால் ஹவுஸ்ஃபுல் போர்டு எங்கிருக்கிறது என்று தெரியாத காரணத்தினால் வெளியே  மாட்ட முடியவில்லை. மக்கள்தலைவரின் ரசிகர்கள் சிலபேர் வராத போதும் படத்தின் வசூல் 13 ஆயிரதத்தை நெருங்கியது.
இதில் முக்கியமான செய்தி என்னவென்றால் ஞாயிறு மாலைக் காட்சிக்கு பெண்கள் யாரும் வரமாட்டார்கள், அதிலும் சென்ட்ரல் தியேட்டருக்கு பெண்கள் வருவேத குறைவானதாகத் தான் இருக்கும். ஆனால் நமது மக்கள்தலைவரின் படங்களுக்கு மட்டும் தான் அன்று முதல் இன்று வரை பெண்கள் கூட்டம் அதிகமாக வருகிறது. அதிலும் உயர்ந்த மனிதன் திரைப்படத்திற்கு குடும்பத்துடன் பெண்கள் வருகை தந்தது தியேட்டர் நிர்வாகத்தினரையே வியப்படையச் செய்தது.
சென்ட்ரல் தியேட்டரில் ஞாயிறு மாலைக் காட்சிக்கு எந்தப் படம் போட்டாலும் சைக்கிள்  மற்றும் ஸ்கூட்டர் குறைவாகத் தான் வரும், நமது மக்கள்தலைவரின் படங்களுக்கு மட்டும் தான் எப்பொழுதும் அதிகமாக வரும். ஞாயிறு மட்டுமல்லாமல்  மறுநாள் சுதந்திரதினத்தன்றும் வசூல் எகிறியது. 
படத்தின் வெற்றிக்கு அகில இந்திய தலைவன் சிவாஜி மக்கள் இயக்கத்தின் சார்பில் மாபெரும் ராட்சத சுவரொட்டி வைகை சுந்தர், ரமேஷ்பாபு, சோமசுந்தரம் மற்றும் இன்பா ஆகியோரின் சார்பில் ஒட்டபட்டது. சுவரொட்டியைப் பார்த்தவர்கள் வியந்தனர், நமது தலைவரின் ரசிகர்களுக்கோ சந்தோசம். மத்திய பகுதி சிவாஜி சமூகநலப் பேரவையின் சார்பில் மற்றொரு பெரிய போஸ்டர் ஒட்டப்பட்டது. வெங்கடேஷ் மற்று ராஜன், குமார் சார்பில் வழக்கம் போல் சாதனை போஸ்டர் ஒட்டப்பட்டது. இவை அனைத்தும் படத்தின் வெற்றிக்கு வித்திட்டது என்பது மகிழ்ச்சியான செய்தி. 

-மேற்காணும் தகவல் மற்றும் கீழ்க்காணும் நிழற்படங்கள் . www.sivajiganesan.in

 
அகில இந்திய தலைவன் சிவாஜி மக்கள் இயக்கத்தின் சார்பில் ஒட்டப்பட்ட ராட்சத போஸ்டரை கேமராவில் ஒரே படமாக எடுக்க முடியாத காரணத்தினால் பிரித்து எடுக்கப்பட்டுள்ளது.
உயர்ந்தமனிதன் கொண்டாட்டங்கள்......
 
 
 

தங்கள் பகுதியில் நடைபெற்ற நடிகர் திலகம் பிறந்த நாள் விழா / நினைவு நாள் அனுசரிப்பு பற்றிய செய்திகளையும் நிழற்படங்களையும் கீழ்க்காணும் மின்னஞ்சல் முகவரிக்கு அனுப்பவும்.

info@nadigarthilagam.com